喺特首梁振英早前宣布決定放棄連任後，政務司司長林鄭月娥「唔嫁又嫁」，突然話重新考慮出選。同林鄭一樣，都係公務員出身嘅行政會議召集人林煥光，尋日被問到有冇特首候選人邀請佢「埋班」，佢就話依家只係得退休法官胡國興一個表態參選，而佢到依家都未見過胡官。至於會唔會做下屆政府嘅問責官員，佢就話自己今年已經用緊兩蚊長者搭車優惠，仲話「長江後浪喺香港係好強」，要讓番啲位出嚟，似乎係暗示準備收山，退位讓賢咁話喎。究竟佢口中嘅長江後浪有幾強呢？
