中環出更：二十示威者怒轟「尾國走狗」漢奸黎

尋日朝早八時四十分左右，二十名聲稱自發嘅人士手持五星旗同印有「黑金金主 操縱選舉 禍港害民 滾出香港」、「千古罪人」及「尾國走狗」等字樣嘅橫額到達漢奸黎位於何文田嘅寓所外集合及示威，高叫「打倒肥佬黎」、「賣國賊」等口號。眾人逗留約一小時後離開。

示威期間警員曾到場登記部分人士資料，漢奸黎寓所嘅保安員以攝錄機拍下示威過程，並向示威人士派發法庭文件，惟對方拒接並與保安員發生輕微口角。據法庭文件所指出，示威者抗議嘅地方，已屬禁制令範圍之內。

以藤條拍打黎頭像

及至下午四時四十五分，示威者再次帶同橫額及紙牌，「步操式」到漢奸黎寓所外示威，期間有人用藤條拍打漢奸黎嘅頭像，眾人抵達漢奸黎寓所門外時，實行靜默遊行，隨後先再次叫口號。眾人逗留約四十五分鐘後，和平散去。

近期針對漢奸黎嘅示威行動不絕，自六月十日起計，至今已踏入一百八十五日，連同尋日行動在內，到漢奸黎寓所及將軍澳壹傳媒大樓外示威嘅行動最少達一百一十三次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百次。

卓妮