近年行政立法關係愈嚟愈緊張，尤其係新一屆立法會嘅宣誓風波，更加激化咗雙方嘅矛盾。一上任即慘變磨心嘅立法會主席梁君彥尋日喺電台指出，之前兩任特首都被非建制議員批評破壞行政立法關係，但喺兩人落台後，行政立法關係亦未見改善，故今次特首梁振英表態唔連任，再度換人做特首亦唔代表未來行政立法關係會有所改善。梁君彥作為立法會之首，竟然對未來睇得咁灰，亦冇乜抱負去緩和上述情況，唔通佢打算hea做就算？
