政情：香江變烏江 牛鬼蛇神震騰騰
明年七月政府換屆，特首梁振英（CY）前日突然宣布會放棄連任，有意見就話下屆政府必須換人換班，否則香港冇運行。香港回歸接近二十年，好似中咗魔咒咁，一直渾渾噩噩、發展遲緩，社會撕裂，近年更爆發港獨思想，搞到好哋哋嘅香江都變成「污（烏）」江，污糟邋遢，真係天怒人怨，天雷都要出手。如今CY終於都冇得留低，相信「搞事四人幫」成員、同外國關係千絲萬縷嘅壹傳媒黎智英（漢奸黎）等牛鬼蛇神都會隨時落鑊，冇得再搞搞震搞亂香港。
瓣瓣唔掂 天怒人怨
CY上任後，香港民怨沸騰、社會撕裂，政府高層各懷鬼胎，勾心鬥角，左手同右手唔協調兼打晒棘，以至經濟民生發展停滯不前，社會矛盾加劇，港獨問題仲愈演愈烈、愈來愈嚴重，甚至「宣獨」宣到入立法會，真係天庭都震怒要打雷。外界一直都有意見批評CY政府對港獨問題後知後覺，結果搞出個大頭佛要中央出手釋法「消獨」，真係瓣瓣都唔掂，搞到香港香江變「污（烏）」江，作為特區之首嘅CY真係應該「烏江自刎」，就算非其所言嘅家庭問題，係由中央睇唔過眼出手清除瘀血，要CY冇得留低亦非太突然。
中央對港政策勢收緊
日前中共中央政治局會議上，作為中共中央總書記嘅習近平就表明，要切實做好國家安全工作，相信中央對港政策必定會收緊，嚴打港獨。香港過往一直唔少牛鬼蛇神，好似漢奸黎咁，多次秘密捐款畀反對派政黨同立法會議員，又參與違法佔領行動，一直被指係佔領行動嘅「金主」同「幕後黑手」。
而與漢奸黎同為「搞事四人幫」成員、有「李漢奸之稱」嘅民主黨創黨主席李柱銘，以及「民主阿婆」前政務司司長陳方安生又多次去英、美、澳洲等地「唱衰香港」，對香港指指點點，乞求外國勢力干預香港內部事務，惟恐天下不亂，實在令人髮指。如今中央已出手令CY無得留低，已經無嘢係做唔到，漢奸黎真係隨時落鑊，睇怕呢個時候啲牛鬼蛇神都應該震騰騰喇！