政情：公民講場：為護短 特權蓋公義 泛民恬不知恥

律政司就社民連立法會議員梁國雄（長毛）涉嫌收取壹傳媒黎智英（漢奸黎）廿五萬元，被控公職人員行為失當罪嘅案件向立法會申請特別許可，要求立法會人員向法庭作證。不過，包括公民黨（公文袋）郭榮鏗在內嘅民主派尋日就喺立法會大會提出動議反對有關申請，仲話議員喺立法會嘅言論受特權法保障，唔應該作為呈堂證供，否則會令政府日後可以大條道理以言入罪。民建聯議員張國鈞就反駁，話長毛收取漢奸黎捐款，市民都好想知來龍去脈，直言今次係議會特權與司法公義之爭。佢仲反問反對派︰「係咪議會可以暢所欲言，但就唔可以有司法公義？」成日將公義掛喺口邊嘅反對派今次又再畀人質疑嚴人寬己，講一套、做一套喇！