政情：八網難逃：抄「拳佬」造型拍片 邱達根以假亂真
成日話IT人要創新，而不時被指同男藝人陳展鵬撞樣嘅荔園主席邱達根日前索性幽自己一默，大膽拍咗一條兩分鐘嘅短片，無論衣着同動作都似足對方早前喺電視劇中嘅「拳佬」造型，仲拳拳到肉，驟眼睇落真係分分鐘認錯，跟住佢仲同自己扮嘅陳展鵬一齊對談，一問一答個鏡頭係咁轉，睇到眼花，令人以為嗰個真係陳展鵬本人嚟嘅。
今次除咗拍片吸引資訊科技界嘅朋友關注外，佢仲喺facebook打咗封信畀業界，話今次拍片NG咗N次，出拳都出到手軟，深深感受到無論做邊行都好都要有專業精神，同佢哋團隊口號一樣，希望能夠得到大家支持，兼爭取到更多人關注科技發展嘅重要性，認同其信念喎。