三跑倘啟用 新系統恐亂上加亂
【本報訊】新空管系統Autotrac 3「冇人吼」的程度令人咋舌，全球僅印度及杜拜的機場使用，但身為民航機師的立法會議員譚文豪指出，印度近日疑似宣告「投降」，至少在其中德里英迪拉‧甘地國際機場撤換有關系統。公眾質疑「新空管系統依家已經咁亂龍，第日起好三跑咪亂上加亂？」譚文豪亦表擔心，害怕新系統能否應付將來三跑啟用後的升降量。
曾癱瘓機場 印度擬撤換
民航處過往回應傳媒查詢時，曾指印度機場管理局對Autotrac 3的整體表現滿意，但立法會議員譚文豪卻指，印度德里英迪拉‧甘地國際機場使用有關系統逾四年，表現差強人意，至少發生四次事故，曾令機場癱瘓數小時。其中一次發生於十月初，系統發生故障後，空管中心未能取得部分航機資料，被當地官員形容為對該機場「舉紅旗」。
譚文豪更指，當地政府已於今年設置新空管大樓，形同向Autotrac 3宣告「投降」，估計出年就會轉用新大樓新系統，「印度行過四年『艱辛路』都唔掂，要放棄，香港呢套（系統）同印度嗰套有乜分別？點解咁有信心冇問題？」
另外，有空管人員「爆料」指，類似今次系統「半癱瘓」，無法顯示航機資料的情況，原來早於八月分階段試用系統時，已發生至少一次。譚文豪認為，當局是時候有「兩手準備」，「係唔係要轉番用舊系統，等承辦商（將新系統）由頭再搞掂？如果係咁，出年年中又可唔可以再用番（新系統）呢？甚至乎係唔係要學印度咁，再買過一套新系統呢？」