香港唔少民主派冇回鄉證係公開嘅事，尋日傳出中央決定向反對派發出回鄉證嘅消息。兩年前佔領行動期間曾嘗試上京，但被拒入境兼且被注銷回鄉證嘅立法會議員羅冠聰就話唔會申請回鄉證，因為內地仲危險。咁啱日前內地公安部針對監控（閉路電視）系統使用發出徵求意見稿，擬禁止旅館客房、宿舍、公共浴室同更衣室安裝監控鏡頭，變相印證內地濫裝監視器嘅情況好嚴重，港人北上就算冇生命危險，但係沖涼更衣隨時「入鏡」，冇晒私隱仲危險喇！
