政情：公民講場：擺官威拒見團體 吳得掂遭寸爆

教育局局長吳克儉（吳得掂）前日原定同關注教育團體會面，最終雙方不歡而散互指不是。話說吳得掂突然於facebook點名批評「關注學童發展權利聯席」（聯席），稱佢哋較原定時間遲半小時才抵達會議室，又冇按既定安排開會，提出臨時增加人數及轉移場地等要求，對佢哋錯失時間同交流機會感到可惜。聯席其後於facebook對吳得掂發公開信逐點反駁，稱佢哋廿三人提早到達政府總部冇遲到，只係較原定多咗九名青年想列席會面，可惜呢個卑微嘅訴求冇得到吳嘅首肯，其他反建議亦不獲接納，寸爆話呢個拒諸門外嘅經驗，令佢哋學識何謂官威同尊嚴喎。