政情：公民講場：邵家臻想睇數據 一味靠嚇楊潤雄

立法會議員梁國雄（長毛）早前喺立法會房屋事務委員會同發展事務委員會聯席會議上，搶咗發展局副局長馬紹祥放喺枱上嘅文件，最後馬紹祥報警處理。長毛件事就唔知最後會點，但喺尋日少數族裔權益事宜小組委員會嘅會議上，社福界議員邵家臻問教育局有冇關於非華語學生喺中學時期報考其他中文資歷認可嘅數據時，就乘機話「梁國雄議員唔使出去攞o架嘞」，教育局副局長楊潤雄即刻回話「我呢度冇呀，梁議員唔使出嚟」。借長毛之名都不特止，邵家臻仲搞爛gag話「如果你有，唔拎出嚟，我都行出嚟，唔好鼓勵我哋個個都行出嚟」，擺明係靠嚇喇！