亂世漢奸可謂一代不如一代，有人提起做漢奸也有級別論。像曾任偽滿洲國國務總理大臣的鄭孝胥，他的《海藏樓詩集》評價很高；又如胡蘭成許多風格獨特、見解精到的文藝評論、政論等，亦頗值得文史工作者留意。
當年的漢奸，不少具有文史哲紮實的根底，學識眼光自有一番高度；而今天的漢奸，滿嘴歪理，自以為是。李漢奸最近執住人大釋法文本在中國及特區之間加了「及其」兩字，好似發現新大陸咁自豪，話呢兩粒字破壞力極大及不智，皆因等同要求效忠特區外同時效忠國家，除了受《基本法》約束，亦等同受中國憲法約束。佢又講到自己不知幾咁清高，話當年如果係咁，即有雙重效忠問題，佢寧願辭職唔做議員。其實，如果冇佢哋呢啲唯恐香港不亂、經常跑到外國唱衰香港嘅漢奸，港獨嘅破壞力會愈來愈大嗎？
江山代有漢奸出，終於又有了小漢奸如黃衞兵之流接其棒，呢位過氣嘅學運領袖，早輪去泰國原本想演講分享佔領運動經驗，誰知入境時被泰國當局扣押十多個小時，嚇到佢面青，放佢回港後卻大肆抽水批評泰國政府小題大做，又要求香港保安局局長解釋。
胡蘭成當年在《給青年》一文中就話喇：「年青人因為有太多的感情，所以糟蹋感情，因為有太多的自由，所以糟蹋自由……」胡蘭成實在睇通睇透年輕人的心態。黃衞兵人在美國唱衰香港，可是心仍然牽掛「扑嘢議員」、「港獨女神」，他在面書坦言為青年新政游蕙禎而失眠，實在是有太多的感情。至於「因為有太多的自由，所以糟蹋自由」，要講真係一匹布咁長。香港實在畀太多自由佢，帶頭衝擊政府重地都只係判社會服務令。佢去美國唱衰香港又九唔搭八，叫特朗普關注香港人權及自由，完全是搞錯對象。商人治國，美國會畀面「習核心」還是黃衞兵？