香港近年基建項目經常出現超支或者延誤嘅情況，難怪工程項目普遍被批為大白象，而負責城市規劃嘅規劃署亦都不能幸免，同樣被人批評喇！規劃署署長凌嘉勤喺退休前夕，尋日就直言已聽慣工程被指係大白象，又形容規劃工作係「各面不討好」，因為受影響居民實會大力反對，所以規劃師受批評係「永恒困局」喎。其實佢今日就開始退休前休假，可以甩身離開是非地，臨別秋波先細數份工有幾惡做，係咪要為接任人做定心理準備呢？
