政情：開會遊魂 劉小麗九唔搭八

堅持問及非討論中議程

明明係講緊收費調整嘅問題，但劉小麗就問及有關選委會嘅問題，指部分工程界同高等教育界選委參選人，遭通知提名無效。嘩！兩樣嘢完全冇關係，離晒題喎。實際上，喺佢發問期間有議員提醒佢依家喺討論緊收費調整嘅議題，但佢仍然唔理解，堅持繼續問落去。

聽到劉小麗仲繼續問，政制及內地事務局副局長陳岳鵬隨即回應話選委係下一個議程，佢先知自己問錯問題，惟有尷尬地笑。跟住委員會主席廖長江問佢有冇關於呢項議程嘅問題，劉小麗就話留待下一項議程先問。