政情：公民講場：林煥光加把口消「獨」 「放低虛妄議題」

法官早前喺青年新政梁頌恆同游蕙禎宣誓司法覆核案嘅判詞指出，不論有無釋法都會得出一樣嘅裁決。行政會議召集人林煥光尋日被問到咁係咪代表釋法係冇必要，佢話釋法已經係既定事實，希望喺跟進嘅後續過程中，將副作用減到最低。跟住佢仲鬧爆港獨係一個虛妄議題，過去一段時間嘅折騰，大部分港人都認為要放低一啲虛妄議題，集中解決真正面對嘅挑戰同政策困難，希望大家可以用一個實事求是嘅態度，應對特區內部問題，唔好再浪費時間去討論對特區有害無益嘅偽命題。