青年新政游蕙禎同梁頌恆早前被高等法庭裁定取消議員資格，勢必令游梁二人所屬嘅九龍西同新界東補選，早前被指因推動港獨而被取消參選立法會資格嘅中出羊子，喺社交網站以簡體字發貼話發起眾籌廿五萬元，計劃參加九龍西補選，佢同時疑似為早前支持港獨言論洗底，自稱係「熱愛《基本法》的中華同胞」，甚至支持香港於二○四七年後實行一國一制。
中出羊子於過去兩年分別參加立法會、區議會選舉，其中中出羊子於約四個月前報名參選立法會新界西直選，但被該區選舉主任以其主張推動香港成為擁有完整主權國家為由被取消參選資格。
事隔不足半年，中出羊子又有意參選，並疑為過去嘅港獨言論洗底，佢自稱係熱愛《基本法》嘅中華同胞，又批評社會上對《基本法》嘅理解都錯誤，永續《基本法》嘅概念無受到社會廣泛民意接受。他其後更稱泛民、建制、本土派均無法理解擁護《基本法》真正精神，所以決定「出山救港」出戰九西補選喎。