政情：公民講場：前輩劉炳章開火 「松」速反擊唔專業

香港專業聯盟主席兼立法會建築界前議員劉炳章前日喺公開場合開火，暗寸現任建築界議員姚松炎以政治凌駕專業，講出二○四七土地大限等不實言論，漠視政府有批出超出於二○四七年期限嘅土地契約。姚松炎尋日即刻喺社交網站反擊，話事實上至今香港都冇法例或政策明確說明二○四七年到期嘅地契會以乜嘢方式續契，相關法團點樣過渡，盲目認為將來有聰明方法解決，反而係唔專業，又話已有多位專業人士同銀行界表達相似憂慮，唔係佢個人嘅乜嘢政治凌駕專業，希望大家能夠回到邏輯與科學，唔好無的放矢，人身攻擊，影響界別專業地位喎。睇嚟呢次仲有排拗！