中環出更：廿人踩上門怒斥「尾國走狗黎賤英」
繼前日有示威者踩上壹傳媒黎智英（漢奸黎）寓所外作無聲抗議後，尋日再有約二十名自發人士到場，拉起印有「尾國走狗黎賤英」橫額，並直斥漢奸黎賣港。
尋日朝早約十一時半，聲稱自發到場嘅示威者帶同一名女童共二十人抵達漢奸黎位於何文田嘅寓所外示威，佢哋拉起印有「尾國走狗黎賤英」嘅橫額及手持「漢奸賣國賊」等標語，部分人則手持五星旗，並在場大叫口號，佢哋逗留至中午十二時和平散去。
橫額放地讓車輛輾過洩憤
及至下午約二時二十分，示威者折返現場再度示威，期間有私家車啱啱駛離漢奸黎寓所，示威者即趁車輛駛過之前將橫額放喺地上，畀車輛輾過橫額洩憤，示威行動持續約二十分鐘後，示威者離開。
近期針對漢奸黎嘅示威行動不絕，自六月十日起計，至今已踏入一百五十八日，連同尋日嘅行動在內，到漢奸黎寓所外及將軍澳壹傳媒大樓外示威嘅行動最少達八十六次，當中自稱霸王國際集團員工及苦主佔十次、正義聯盟佔三次，旅遊業界及其他人士則有七十三次。
卓妮