政情：致詞痰上頸 黎棟國連番甩轆
近日天氣忽冷忽熱，一唔小心好容易病倒，就連保安局局長黎棟國都中招，尋日出席活動時有幾聲咳嗽，仲搞到致詞時連番甩轆添！
話說黎棟國尋日出席一個慈善賣物會活動，雖然精神欠佳，但仍然與在場嘉賓有講有笑，但當佢上台致詞，一開口想講嘢就痰上頸，一個字都未讀到就已經咳兩聲。
「拜早年」祝市民萬事如意
其後，佢喺描述尋日嘅香港天氣情況時，誤將時間「星期日嘅早上」讀錯「星期六嘅早上」，而喺致詞尾聲時，又向廣大市民祝「萬事如意」，依家距離農曆新年仲有兩個幾月，未知黎棟國係想向大家拜個早年呢？
雖然黎棟國致詞時有甩漏，但佢仍然行足全場，喺離開前仲向傳媒揮手示意添！