政情：公民講場：學子輕生 「無關」教育 吳得掂避得幾多刀

因應上學年接連發生學童輕生事件，教育局喺三月成立防止學生自殺委員會應對，委員會尋日向教育局局長吳克儉（吳得掂）提交最終報告，指無證據顯示學生自殺成因源於教育制度。嘩！吳得掂可謂抹一額汗，但如果諗住咁就甩難嘅話，就真係太天真嘞！事關委員會同時建議當局就教育制度相關部分作檢視，提升學生同青少年處理壓力嘅能力，並應重視多元出路同非學術範疇成就。咁即係話教育制度仲係有好多其他缺失嘅，就好似有好多把刀架喺佢頭上，今次避得過啫，若果再唔快啲完善制度，難保隨時插中佢，吳得掂好自為之喇！