中環出更：EQ收「有味信」 報警處理
繼今年九月收到粉末恐嚇信後，立法會議員葛珮帆（EQ）尋日下晝再收到懷疑糞便信，佢已經報警處理，警方接報後陸續到其立法會大樓辦公室調查及搜證。
疑信紙沾有糞便
EQ話尋日下晝佢嘅辦公室人員拆信，其中一封信內只有一張紙，但傳出「好大陣味」，懷疑係沾有糞便，於是報警處理。
佢對事件予以強烈譴責，指處理信件嘅兩名職員對事件感到驚嚇同惡心，擔心類似事件再次發生。佢又話雖然寄信者嘅行為好無聊，但都必須正視，認為社會唔能夠縱容暴力行為。事件現由警方刑事偵緝隊跟進，佢希望警方將犯案者早日繩之以法。
警方表示，案件列作求警調查，暫時無人被捕，交中區警區刑事調查隊第四隊跟進。
卓妮