香港兩隻小學雞一聽見北大人要主動釋法，眼見立法會議席凍過水，氣急敗壞如喪考妣，又出來亂吠一通，游小學雞再次本末倒置，自己在莊嚴的議會宣誓玩嘢播獨，粗口侮辱國家民族，鑄成大錯又死不悔改，多次粗暴硬闖議會，導致多名保安受傷，卻批評人大釋法是「人治取代法治，行為等同流氓」，真係又令老朽大笑三聲，這是哪門子的邏輯？
游小學雞接受訪問時更是歪理連連，說當局若透過釋法取消她和梁頌恆當選議員的資格，將更助長港獨勢力，事件亦反映梁振英為了角逐連任，不惜破壞「一國兩制」的精神。游小學雞耍完流氓再來一招靠嚇，更不惜亂搬龍門。其實梁振英縱然管治無方，之不過佢為了連任，斷估都唔會破壞「一國兩制」啩？
家陣你班不知天高地厚嘅小學雞，眼中無「一國」，一味要「民族自決」，腦囟未生埋卻要搞「獨立」，不知沒有「一國」哪會有「兩制」。梁振英肯定不會分不清魚和水的關係，魚冇水，瓜得；水冇魚，依舊係水，小學雞曉唔曉啊？古人說，「天下有大勇者，卒然臨之而不驚，無故加之而不怒」，家陣釋法啫，使唔使驚青成咁呀，冇咗份筍工，憑你哋抗爭冇底線嘅激情，去火星搵囉！
北大人之所以急於釋法，好明顯係眼見「一國兩制」已變質變味，香港反對派從街頭抗爭播獨到進入立法會公然羞辱國家民族，坐享高薪厚酬卻在議事堂玩嘢，北大人真係佛都有火！誠如有大律師話齋：釋法事關國家安全，冇可能由地方政府定宣誓標準，涉及國家主權嘅嘢，「一國」在上，又怎會冇權講清楚？領土完整是國家最核心嘅價值，既然特區政府無力遏止港獨妖風，中央有見及此，沉疴當用猛藥，不能再任由妖風蔓延。今趟人大主動釋法，老朽要同那班「藍血貴族」唱反調：釋法百利而無一害。