政情：今日你上鏡：傳承功夫文化 式時推廣

香港文化節創辦人及中華國術總會執行董事趙式慶早前出席喺城大舉行嘅「客家功夫三百年—數碼時代中的文化傳承」展覽開幕禮，近年積極推廣功夫文化嘅佢認為，經過呢兩年嘅推廣活動後，的確多咗人認識客家功夫文化，連啲師傅都話收多咗新徒弟，所以嚟緊出年佢哋就諗住再擴闊啲介紹埋福建功夫。咁佢囡囡有冇耳濡目染下開始學功夫呢？佢就話小朋友太細個，除非佢自己鍾意，否則都唔會強迫佢去學，等佢選擇自己興趣。