中環出更：紅衣示威者怒吼：漢奸黎滾出香港

踩上門 嗌口號 舉標語

尋日朝早約十時四十分，約二十五名自稱自發前來嘅人士，抵達漢奸黎位於何文田嘅寓所外，佢哋均身穿紅色上衣，部分示威者手持印有「千古罪人黎智英」、「打到（倒）漢奸黎智英」、「拘捕占（佔）中黑手黎智英」及「黑金亂港 黎狗無恥」等標語及橫額，並高舉五星旗及區旗，示威者又大叫口號，怒吼漢奸黎滾出香港，佢哋逗留至上午十一時左右離開，及至下午二時五十分又折返，高叫口號後隨即離開。

近期針對漢奸黎嘅示威行動不絕，自六月十日起計，至今已踏入一百五十日，連同尋日嘅行動在內，到漢奸黎寓所外及將軍澳壹傳媒大樓外示威嘅行動最少達七十九次，當中自稱霸王國際集團員工及苦主佔十次、正義聯盟佔三次，旅遊業界及其他人士則有六十六次。

卓妮