政情：公民講場：立會繼續混亂 肥老闆忽然有火

立法會尋日嘅大會繼續混亂，青年新政議員梁頌恆同游蕙禎再硬闖會議廳。期間金融服務界議員張華峯（肥老闆）睇唔順眼，上前指住二人大聲咁鬧，點知被回應一句粗口「X街」，肥老闆不甘受辱，亦爆粗以「X街」秒速反擊。其後梁繼昌叫肥老闆坐低同唔好講粗口，對罵期間當肥老闆捉住佢右手手腕，一放開手，佢就插水仆喺地下，再極速起番身。過往肥老闆喺議事廳講嘢都好平和，點解今次忽然有火，仲爆粗呢？佢事後解釋話因為影響佢開會情緒喎，仲否認推跌梁繼昌添！唔通肥老闆識得氣功，可以彈開梁繼昌？