中環出更：舉牌吶喊 示威者斥漢奸黎「遺臭萬年」
繼連日來多批示威者踩上壹傳媒黎智英（漢奸黎）嘅寓所外抗議，直斥漢奸黎黑金亂港後，尋日再有約二十名示威者到場，拉起寫有「黑金黑心黎智英 賣國賣港賣國賊」嘅橫額，高喊「漢奸黎遺臭萬年」嘅口號。
帶同塗鴉頭像踩上門
約二十名聲稱自發前來嘅人士尋日上午約十一時抵達漢奸黎位於何文田嘅寓所門外，拉起寫有「黑金黑心黎智英 賣國賣港賣國賊」嘅橫額，又舉起「賣國黎賊 遺臭萬年」等標語，並手持漢奸黎嘅塗鴉頭像，大叫口號示威，示威者逗留至十二時四十五分離去。
近期反漢奸黎嘅示威行動不絕，自六月十日起計，包括尋日行動在內，到漢奸黎寓所及將軍澳壹傳媒大樓外示威嘅行動最少達七十三次，當中自稱霸王國際集團員工及苦主佔十次、正義聯盟佔三次，旅遊業界及其他人士則有六十次。
卓妮