小明說︰「華哥，今日陽光猛烈，不如戴副太陽眼鏡遮擋紫外線啦！」
華哥說：「唔使啦，我已經習慣喺戶外猛烈太陽下工作。」
小明說︰「說話唔係咁講啊！眼睛乃係靈魂之窗，我哋如果無好好愛護眼睛，導致視力受損，就後悔莫及喇！」
華哥說：「咁誇張？不過最近眼睛成日覺得乾澀疲倦，我應該點保護眼睛啊？」
小明說︰「隨着年紀增長、工作時用眼過度及不良生活習慣，眼睛嘅各種毛病可能隨之出現。而工作上不適當嘅習慣或忽視保護眼部亦會容易引致眼睛受傷，例如被彈出物件所傷、被硬物撞傷、被腐蝕性化學品灼傷等。過猛嘅陽光亦可以令眼睛受紫外光傷害，衍生白內障、視網膜、眼角膜及玻璃體嘅病變。」
華哥說︰「我都聽聞有同行被切割所飛射嘅碎屑入眼，導致視力減弱。若當時有佩戴護目鏡，意外相信可避免。」
小明說︰「正確！絕大部分眼部受傷個案係可以避免的，僱主除咗要提供安全工作環境、員工更要掌握及實施正確護眼程序、包括佩戴適當的護眼用具。選用護眼用具時，亦要考慮可提供的保護程度，例如眼罩只可保護眼睛，面罩可提供全面保護。在氣焊焊接時只須使用配有適當濾光鏡的安全眼罩，而電弧焊時因會產生強烈紫外光，須使用配有適當濾光鏡片嘅全面罩。當操作磨輪機或氣動工具時，應佩戴能承受撞擊的眼罩，防止沙塵、飛屑微粒等彈入眼睛。」
華哥說：「明白！咁我即刻戴番副太陽眼鏡保護眼睛先！」
職業安全健康會
www.oshc.org.hk