「引入國安法更悲慘」胡國興：23條立法「唔使驚」

「做漢奸嗰啲又係抵死」

胡國興指出，整本《基本法》只得廿三條是講一國兩制中的「一國」，原意是通過法律防止分裂國家，強調這是唯一一條正式條文保障國家。對於本港已回歸十九年，他認為廿三條仍未立法是不妥當，還指就廿三條立法「唔使驚」，「唔知舊陣時啲人搞乜嘢」，普通法已有類似條文，廿三條要求訂立相關法律防止分裂國家及洩露國家機密，普通法中亦有提及叛國，「叛國當然係做間諜出賣國家機密等等，又或者你做漢奸，嗰啲又係抵死」，有必要防止這些事，他舉例指英國的法律較本港嚴格，在英國執石頭掟女王已屬叛國，香港以石頭掟人就只屬普通襲擊。

他又警告，若不為廿三條立法，或會有不良後果，「有人同你立法，就仲曳，一定係危險好多」，若把國安法或尋釁滋事罪等內地法律引入香港，將會更悲慘及不能為港人接受，倒不如在港人自己的法律框架下商討，達成大多數人共識而立法，一定能採納港人意見及保障港人核心價值，「最少立法會坐喺度嗰啲人同你係一樣o架，你受咁嘅法律，佢都係受咁嘅法律o架咋」。但他承認廿三條立法可能並非立即要做的事，可以在諮詢後才做，指若沒有融洽、和諧的社會就難以成功，「如果搞得掂政改，你咩都搞得掂啦」。

明言港獨違反基本法

另外，被問及現時本土派回潮崛起宣揚港獨，倘若成功當選後會如何處理時，他表示，港獨是一個很嚴重的問題，《基本法》第一條已列明香港是中國的一部分，故認為港獨是違憲及不可行，但不知道提倡港獨的人有甚麼理念和內容是甚麼，至今仍未有機會見到他們，希望這些人解釋給他聽，「可能我會話畀佢聽你嗰個唔係港獨嚟都唔定呢，我唔知」，他又指自己包容，不明白不代表反對，有道理就會聽。