立法會尋日大會又開唔成，皆因熱血公民鄭松泰喺會議期間行出位搞搞震，結果被大會主席梁君彥趕離場，但佢竟然一個箭步跑返埋位，幾個保安想抬佢走，佢就攬住張櫈唔起身，結果僵持咗一陣，梁君彥只好宣布休會。會議廳啲櫈係鎖死喺地下嘅，議員攬住張櫈唔放都無符，夾硬嚟整傷個議員仲煩。睇嚟秘書長陳維安或者考慮吓喺張櫈度裝機關，一係掘條地道，邊個唔聽話就跌佢落去，又或者倣效戰鬥機座椅彈出嘅救生設計，邊個唔聽話就彈佢出會議廳，肯定夠晒阻嚇性！
