中環出更：卅人踩上門 無聲抗議漢奸黎
聲討壹傳媒黎智英（漢奸黎）嘅行動持續，繼前日一批示威者踩上漢奸黎寓所外，抗議佢「黑金操縱議會」後，有三十名聲稱自發人士喺尋日上、下午兩度到場抗議，佢哋舉牌直斥漢奸黎捐巨款推動佔中及重金操控泛民。
下午折返繼續示威
三十名示威者尋日朝早約十一時抵達漢奸黎位於何文田寓所外抗議，佢哋手持印有「黎智英密捐巨款推動佔中 背後傳出CIA亂港計劃」、「重金操控泛民」等嘅牌，但未有叫口號，逗留一小時後，於中午約十二點和平離開。及至下午三點半左右，示威者折返再度抗議，約下午四點半左右才離開。
近期針對漢奸黎嘅示威行動不絕，自六月十日起計，包括昨日嘅行動在內，到漢奸黎寓所及將軍澳壹傳媒大樓外示威嘅行動最少達六十八次，當中自稱霸王國際集團員工及苦主佔十次、正義聯盟佔三次，旅遊業界同其他人士則有五十五次。
卓妮