青年新政議員游蕙禎、梁頌恆喺立法會宣誓時發表疑爆粗及辱華言論，引起軒然大波。本身話「情理上唔可以逼佢道歉」嘅非建制派議員尋日突然一改口風，公民黨法律界議員郭榮鏗表明唔同意青政議員嘅言論，批評佢哋嘅行為幼稚、不負責任，指作為議員要以成熟、負責任嘅方式進行宣誓。至於青政二人係唔係應該道歉呢？郭就無正面回應，只係話佢哋講咗羞辱人嘅說話，道唔道歉係佢哋個人修養問題。講真，郭榮鏗既然開得口鬧青政，就應該以肯定嘅態度要求青政道歉，好似依家咁又鬧又縮，算係點先？
