政情：今日你上鏡：樹根飛武漢 避開風雨港
最近香港政壇立立亂，新一屆立法會一開鑼亦發生本土自決派議員宣誓風波，前立法會議員鍾樹根就趁混亂之際，喺尋日掛八號風球前離港，搭飛機去武漢旅遊。樹根尋日喺facebook話，佢暫離風風雨雨之港避風頭，未知係咪寓意厭倦政壇紛爭呢？抑或暗示自己被打壓、放棄連任立法會議員呢？
樹根自從被勸退唔連任立法會議員後，開始過悠閒生活，早前先同太太去法國旅行。不過，今次樹根只係獨自去武漢參加朋友嘅活動，參觀武漢國際賽馬節，更形容自己係「獨自去一個無男人的城市」。
樹根發放離港消息後，收到唔少網民留言問候，佢喺抵達武漢時就向大家報平安。亦有網民提及最近嘅立法會亂局，樹根就形容係「小學雞鬧劇」，更加話同佢無關，勸喻網民放下。
（互聯網）