政情：今日你上鏡：搵楊榮文「偷師」 黃梓謙大豐收
喺立法會選舉過後，好多人都會出去散吓心回氣，而喺立法會港島區選舉落敗嘅民主思路理事黃梓謙（Gary）都唔例外。佢喺facebook透露自己啱啱先放完個悠長假期，仲好開心咁話一返到香港就同新加坡外交部前部長楊榮文見面，仲上載咗兩人嘅合照。
獲贈書本 「指點」政途
到底Gary同楊榮文有乜嘢關係呢？原來Gary喺牛津大學讀碩士時有研究開外交學，今次係專登搵楊榮文「偷師」，傾吓當代地緣政治問題，仲話楊榮文對佢嘅政途「畀咗啲建議」，楊榮文臨尾送咗本書畀佢，仲寫咗幾隻字祝佢好運添！
新一屆立法會復會後立立亂，可能選唔到都唔係一件壞事，其實周圍見吓啲猛人學吓嘢仲好啦！