政情：唔上論壇 陸頌雄去街跑
早前表明唔會出席尋日《城市論壇》同青年新政梁頌恆辯論嘅勞工界立法會議員陸頌雄（Michael），表面上就話不屑同對方同場辯論，但原來佢去咗參加元朗體育節一個街跑活動。Michael上載咗兩張相上facebook，見佢個樣好似跑得有啲吃力，大汗疊細汗，有網民直情問Michael「幾時去完非洲嚟？」暗示佢曬到好黑。其實Michael膚色一向都比較黑，網民咁問法，你叫佢點答你啫？
巧遇女排隊成員張曉雅
雖然Michael跑得好辛苦，但有意外收穫，就係遇到國家女排隊成員張曉雅，當然把握機會selfie（自拍照）啦！Michael直言可以合照「感覺好滾動」，但兩個泊埋一齊，明顯地係「一黑一白」，難怪網民問佢係咪去完非洲喇，唔知佢有無同張曉雅取吓經，交流吓美白心得呢？