立法會前日開鑼，非建制派已癱瘓議會，先係三名本土派議員喺誓詞「加料」兼爆粗、展示「香港不是中國」旗幟，甚至將中國的英文讀成「支那」，被各界炮轟是侮辱，傷害國人感情。內地官媒尋日發表社評，指從內地觀香港立法會前日出現嘅鬧劇，內地公眾慢慢會對香港將繁榮下去還是走向衰落變得無所謂，大家會認為香港即使「爛掉」，內地都冇責任，係香港社會不堅決懲罰激進政治勢力之過。簡單啲講，即係你死你事囉！睇嚟真係要搵飾演過「盲婆」角色嘅羅蘭姐鬧番句：「你死你賤！」
