政情：公民講場：本土派玩嘢 立會開鑼變開戰

新一屆立法會尋日一開鑼已經七國咁亂，先係激進派長毛梁國雄在宣誓時撕毀《基本法》紙牌，繼而到三名本土派議員姚松炎、梁頌恆同游蕙禎宣誓玩嘢加料，羅冠聰、朱凱廸等人更佔領宣誓台，斥責立法會秘書長陳維安無權決定玩嘢議員宣誓無效，搞到多次暫停會議，無法選舉主席。其後續會又因梁耀忠被多番質疑而放棄主持會議，之後換咗主持人，本土派不滿強行選舉主席，更多次衝向主席台，場面極度混亂，本土派更撕毀選票，搞到廢紙滿天飛。立法會首日會議已被本土派同激進泛民搞到七國咁亂，未來四年議會真係不堪設想。