近年劏房、納米樓熱潮直捲全港，發展商劏得不亦樂乎，市建局亦懶理批評跟風興建超細面積單位，而現屆政府為求供應量充夠數，唔單止未有遏止劏房歪風，竟然仲加入劏房行列！即將派表嘅「綠置居」景泰苑，網上流傳嘅單位平面圖顯示細單位實用面積只有百幾呎，簡直與劏房無異。雖然景泰苑入場費唔使五萬元，但係前提係要交番間公屋畀政府，試問有幾多人會願意用公屋嚟換間「劏房」呢？運輸及房屋局局長張炳良今次實在難辭其咎！
