政情:黃偉明訪美領館避談兒子黃之鋒

香港眾志秘書長黃之鋒被拒入境泰國,期間一度被扣留十多小時,黃之鋒嘅黨友、立法會議員羅冠聰表明會喺立法會層面跟進事件,而事有巧合,黃之鋒爸爸黃偉明尋日現身美國駐港總領事館,莫非趁機為黃之鋒伸冤?

冇為囝囝被扣留伸冤

其實一切都係美麗嘅誤會,黃偉明尋日下晝四點聯同多人到領事館,會見美國人權特使Randy Berry,佢強調同美國人權特使會面時無提及黃之鋒,當問及兒子被拒入境泰國嘅遭遇,黃亦不願多談事件,僅稱「有啲乜嘢你哋直接打畀佢(黃之鋒)問啦!」

言歸正傳,黃偉明話喺尋日會面上,美國人權特使似乎唔清楚香港嘅性傾向歧視條例內容,而對方承認曾見過香港支持同志平權運動嘅立法會議員,同時表明唔想影響香港有關立法進程,之不過,黃偉明始終認為今次事件冇咁簡單喎。

第一手消息請下載on.cc東網iPhone/iPad/Android/Windows Phone Apps