立法會秘書處從上月廿八日起一連三天，為新丁議員舉辦簡介會，但唔少人遲到早退，甚至連影都冇。由卿姐等卸任資深議員主講嘅分享會，開始時更加只有寥寥幾位建制派出席，難怪卿姐鬧爆：報咗名又唔嚟，真係唔知咩人嚟！
簡介會已如照妖鏡，折射出一眾新丁嘅懶散態度。立法會之所以淪為垃圾會，禮崩樂壞、冇規冇矩，非一日之寒。翻查資料，過去四年會期內，一共逾一千四百次響鐘點人數，最少虛耗近二百一十七個小時，期間造成破紀錄嘅十八次流會，因流會而再損失了逾二百二十九小時會議時間，合計浪費接近一億元公帑。納稅人養一班「尊貴」嘅大嘥鬼，不知其身份的本務為何物，你說冤不冤？
這批尊貴議員視遲到早退為等閒，立法會未開波已令市民搖頭嘆息。老朽想起學者資中筠的父親資耀華，他是著名的銀行家，對中國銀行業建設起了極為堅實的作用。他引以為傲的是，從一九二八年進入銀行界直至去世，七十年來都是提前半小時上班，從沒遲到。資耀華其中一個信條是：一切失敗從遲到開始。有次女兒資華筠因天冷賴床，上學快要遲到，資耀華便生氣地對她說：一切失敗從遲到開始，懂不懂？立法會要有新氣象，請議員不要求選票時才懂得謙卑，要尊重身份做好本分，切勿視遲到早退為老奉！
資耀華的另一信條是：平生不打誑語；一切壞事從說謊開始。老子說過：善行無轍迹，善言無瑕謫，意指善於駕車的不會留下軌迹讓人追蹤，會說話的不會留下話柄讓人質疑。然而，要政客不打誑語比叫貓兒不嗜腥還難。例如泛民接受壹傳媒黎智英的捐獻，一時話「袋住先」，一時狡辯「不是以立法會議員的身份接受捐獻」。明明係公職人員行為失當，身為議員，其行為咁多疑點，誠信破產，還議甚麼政？希望未來的議員謹記資耀華兩大信條。