新一屆立法會議員將於本月十二日宣誓就職，一班本土派議員早已明言會喺誓詞中「加料」抗議，其中新丁之一嘅青年新政梁頌恆仲話，佢會構思幾個版本嘅誓詞，包括考慮在誓詞中加入「效忠香港人」，亦諗緊係咪用英文宣誓，定係以做手勢或衣着表達訴求。到時佢會先試其中一個，如果被秘書處拒絕接納，就會試下一個，總之會「由Plan A 試到 Plan E」喎。咁樣宣誓法真係唔知可以表達到啲咩，如果個個議員都係咁宣誓幾次，必定阻慢晒啲進度，其他議員真係多得佢唔少！
