政情：有相為證：立會後備證方便大頭蝦議員

立法會大樓保安一向非常嚴密，任何人出入大樓都要申請證件，而每張證件都有特別用途，好似持記者證就只可以去一樓同二樓，而持議員證嘅限制就較少。漁農界議員何俊賢尋日就大頭蝦唔記得帶證，原本以為會好唔方便，點知秘書處一早已經為各議員預備咗功能一模一樣嘅「專屬後備證」，議員用完之後須即日歸還。何俊賢就話，因為早前去咗英國一段時間，少返立法會先唔記得帶證，佢仲大讚秘書處呢個安排貼心添！