民建聯（民記）「四老」退下火線，亦完成咗立法會議席「新舊交替」嘅任務，終於可以真正功成身退，呢幾日佢哋陸續收拾行裝，準備將辦事處「交吉」嘞！包括成功接棒嘅九龍東候任議員柯創盛在內嘅多名觀塘區議員，前日就齊集喺師傅陳鑑林（橄欖，圖中）嘅議員辦事處，為師傅舉行辦事處告別儀式，兼度過榮退嘅一日。其實呢班師兄弟係喺唔同年期入職橄欖辦事處，所以個個都自稱係「鑑辦」出身，梗係同聲同氣兼合拍啦，只要睇吓佢哋張合照，大家嘅笑容同動作都咁一致就知喇！
（互聯網）
