政府成日話香港好有競爭力，但世界經濟論壇尋日發表新一年度全球競爭力報告，香港排名較去年下跌兩級至排名第九，而創新科技較弱，排名二十七位，報告認為香港嘅挑戰係點樣由全球其中一個重要嘅金融中心，發展成創新科技中心。呢份報告真係狠狠地摑咗創新及科技局局長楊偉雄一巴，反映成立將近一年嘅創科局完全冇成果，難怪業界都批評港府目光短淺，對創新科技冇明確方向，擔心香港競爭力愈來愈低。楊偉雄以為見過喬布斯就覺得自己好勁，呢啲咪係目光短淺囉！
