政情：今日你上鏡：韓連山嫁女似「大富翁」

教育人員專業操守議會前主席韓連山近日飛咗去峇里度假，仲喺facebook上載咗多張旅行相。前日佢就上載張着住西裝打晒煲呔嘅相，有朋友仲留言讚佢似「大富翁」添！到底因乜嘢事要搞到着得咁型呢？謎底喺尋日終於揭曉，原來韓連山囡囡尋日出嫁！韓連山尋日上載咗嘅相，戴住帽、着住粉藍色西裝嘅佢挽住着婚紗嘅囡囡一齊喺草地赤腳行，既年輕又有活力。佢啲朋友除咗留言恭喜佢，仲讚佢係「全宇宙最型嘅岳父大人」，難怪早兩日啲旅行相都見佢容光煥發，果然「人逢喜事精神爽」。