政情：公民講場：縱容霸佔官地甯漢豪仲狡辯

申訴專員公署早幾日先鬧完地政總署就非法佔用官地及違反地契嘅規範制度容易被濫用，點知地政總署不但當批評係「耳邊風」，署長甯漢豪更加撲出來狡辯，除咗賴地政總署人手緊絀外，仲竟然反問大家，當局係咪應該廢除呢種規範違規佔用官地嘅短期租約做法，又話係咪應該採取最嚴厲嘅手法，即收回佔用官地並圍封，以上種種要交由社會討論喎！有人霸佔官地，地政總署後知後覺不特止，仲「隻眼開隻眼閉」收番租當冇事發生，難為佢話聽到「官商鄉黑勾結」會心痛。