立法會議員葛珮帆（EQ）早幾日隨本港商界代表團去咗「一帶一路」其中一個合作國家哈薩克，仲喺位於該國首都、亦係最大嘅城市阿拉木圖嘅中國領事館過中秋節。因為EQ係素食者，領事館仲特登為EQ準備咗素菜同豆沙月餅，認真細心。喺外國過中秋，雖然冇傳統燈籠玩，但EQ就同當地嘅月光合照。不過，因為當地溫差大，入夜後會由日間三十幾度跌到得番幾度，所以EQ夜晚就着咗件大褸影相，仲搞到被朋友笑佢似過萬聖節多過中秋節添！
（互聯網）
