政情：公民講場：雷動累死老泛民 戴耀廷講風涼話

佔領中環發起人戴耀廷早前發起「雷動計劃」，呼籲選民策略性投票。不過，建議名單就唔包括多位泛民立法會議員，搞到有大熱門候選人驚險當選尾席，亦有幾位老將選情被拖垮而連任失敗。選舉結果搞成咁，戴耀廷就當然被指係罪魁禍首，話佢操控選舉、過度配票啦！不過，戴耀廷就繼續死撐，解釋當初只預計約四萬名選民參與，只係參考計劃嘅選民數目遠超想像，仲反指非建制派陣營「碎片化」先係落敗嘅主因，真係大講風涼話！其實呢個責任，戴耀廷水洗都唔清，與其再搵藉口死撐，不如諗吓日後點面對嗰幾位識咗多年嘅落選泛民好過啦！