仲記得喺八月初，商務及經濟發展局局長蘇錦樑（Greg蘇）回應旅客人數呈現跌勢時，已經推說係受「天氣呀、打風呀」影響，竟然賴個天，梗係畀人鬧爆喇！相隔近一個月，Greg蘇尋日回應同一問題就「報定警」先，話雖然依家未有八月整體數字，但相信整體趨勢將下跌，原因係經濟受大環境影響同周邊貨幣轉變，加上最近嘅天氣亦影響旅客訪港嘅意欲喎。Greg蘇今次叻咗喎，除咗賴天氣差，仲加多兩個理由，梗係喇，正所謂前車可鑑，淨係識賴天氣差，講都冇人信喇！
