政情：八網難逃：鄺葆賢重返校園讀法律

挑戰兼顧區議會工作

鄺葆賢解釋，有關課程之前讀開，只因上年擔任區議員後分身不暇，要忙於開設辦事處同議員工作，故一度放低學業，但為免做事有頭無尾，所以最終都選擇重返校園。不過，佢以前會同時修讀兩至三科，現今只會選修一科作試驗，希望能夠兼顧工作同學業。

佢又話呢個課程一早讀開，當初亦只當課外活動，所以唔係為轉工，亦唔係倣效同為醫生嘅前區議員龐朝輝，進咗醫委會為做好聆訊工作而讀法律，但佢笑稱，自己並非成日溫書嘅人。咁搞法，佢會唔會畢唔到業o架？

另外，昔日同佢有「黃埔孖寶」之稱嘅游蕙禎，成功當選立法會議員。鄺葆賢指證明選民對年輕人有信心，所以自己會更加努力工作履行責任。至於青年新政喺立法會選舉中亦取得好成績，數月前退出青政嘅佢表明唔後悔退出，直言唔會做令自己後悔嘅事！