消委會尋日建議政府出錢成立消費爭議解決中心（中心），向消費者提供免費嘅初步法律諮詢服務，調解及仲裁消費糾紛。其實成立中心係一個更具成本效益嘅方式去處理糾紛，點知商務及經濟發展局就發聲明，話現時有唔同解決消費糾紛嘅渠道，所以關注成立中心嘅理據，仲話涉及嘅資源可能好龐大，擔心會有人濫用添！商經局咁快就落定閘話擔心中心支出龐大，莫非局長蘇錦樑（Greg蘇）事前已經研究過？莫非政府慳錢比解決市民消費爭議重要？
