計埋今日，向機場離境及轉機旅客徵收嘅機場建設費啱啱滿月。有旅遊業界人士投訴，由旅行社代收建設費呢個做法轉嫁成本，且增添工作量，要求機場管理局補償或自行喺機場徵收。機管局行政總裁林天福尋日回應時話，按照協定，費用由航空公司代為徵收，徵收措施轉移至旅行社並唔涉及機管局，只係旅行社同航空公司之間嘅商務安排。講白啲即係話，既然航空公司代收，應該同旅行社去搵方法拆掂佢，若果機管局貿然介入，等於破壞協定囉！
